Sot Bundestagu gjerman do të zhvillojë një diskutim mbi dy propozime të grupeve parlamentare të koalicionit të CDU/CSU dhe SPD. Debati pritet të zgjasë gjysmë ore.
Sipas axhendës së parashikuar, bëhet fjalë për dy propozime të grupeve parlamentare, konkretisht: “Për Marrëveshjen mes Bundestagut me Qeverinë Federale për aplikimin e Republikës së Maqedonisë së Veriut në Bashkimin Evropian dhe rekomandimin e Komisionit Evropian dhe Hoher Përfaqësues i 29 majit 2019 për hapjen e negociatave të pranimit.”
Po ashtu dhe “Marrëveshja mes Bundestagut dhe Qeverisë Federale për kërkesën për anëtarësim të Republikës së Shqipërisë në Bashkimin Evropian dhe rekomandimin e Komisionit Evropian dhe Përfaqësuesit të Lartë të 29 maj 2019 për hapjen e negociatave të pranimit.” Për negociatat e pranimit me Shqipërinë, ekziston gjithashtu një kërkesë nga Grupi FDP.
Më 18 tetor është caktuar që të merret vendimi nga Ministrat e Jashtëm të shteteve pjesë të BE-së për çeljen e negociatave për Shqipërinë dhe Maqedoninë e Veriut.
Gjermania luan një rol të madh në këtë vendim për Shqipërinë, ndërsa, kujtojmë se shtetet si Franca, Danimarka dhe Holanda kanë qenë skeptik lidhur me hapjen e negociatave për Shqipërinë.
