Adolfo Sormani nuk do të jetë më trajner i Partizanit.
Lajmi u bë zyrtar nga vetë kubi në një deklaratë për shtyp. Drejtimi i skuadrës deri në fund të sezonit i është besuar Renaldo Kalarit.
“FK Partizani njofton sot ndërprerjen me efekt të menjëhershëm të bashkëpunimit me trajnerin Adolfo Sormani dhe dy pjesëtarët e stafit Giovanni Mazzella dhe Gabriele Faccia. Klubi 16-të herë kampion i Shqipërisë në tre ndeshjet e mbetura të këtij sezoni, do të drejtohet nga zv.trajneri i ekipit, Renaldo Kalari”, thuhet në njoftim.
Tekniku italian firmosi fatin e tij përfundimtar, teksa refuzoi të zbresë me ekipin në derbin e kryeqytetit.
Ai u tërhoq menjëherë kur mësoi se në ekipin e tij kishte lojtarë, të cilët kishin rezultuar pozitiv me koronavirus.
