Shqiptarët janë të lodhur nga figurat politike të vendit, duke filluar nga kryeministri Rama, kreu i PD-së, Basha, ish-kryeministri Berisha dhe së fundmi presidenti Meta. Sipas të dhënave të një sondazhi, rezulton se prezenca e tyre nuk shoqërohet me simpati, por kurba e besimit tek popullata ka vijuar rënien e saj.
Dueli Rama- Basha
Nga të dhënat e sondazhit, rezulton se vlerësimi pozitiv për Ramën është në 40 për qind, ndërsa vlerësimi neutral dhe ai negativ janë përkatësisht 17 dhe 43 për qind. Ndërsa për kreun e PD-së, Lulzim Bashës perceptimi pozitiv është në nivel shumë të ulët. Sipas sondazhit, 20% e banorëve të Shqipërisë në moshë votimi kanë opinion pozitiv, dhe 52% kanë opinion negativ (28% kanë opinion asnjanës).
Këto të dhëna tregojnë se Basha është i humbur në imazhin e tij përballë kundërshtarit politik siç është kryeministri Rama. Kjo të paktën sipas sondazhit të bërë nga “Follow Business Albania” tregon se dueli Basha-Rama është i fituar prej këtij të fundit. Por, problemi nuk mbaron këtu të paktën për liderin e Partisë Demokratike.
Sfida brenda PD-së dhe “armiku” i Bashës
Si lideri historik i PD-së, Sali Berisha renditet shumë lart në aspekti e përceptimet, duke eklipsuar dhe duke i bërë dëm edhe Bashës. Në sondazh, Berisha rezulton më i pëlqyer se kryetari aktual Basha. Të dhënat tregojnë se 32% kanë opinion pozitv për Berishën dhe 48% kanë opinion negativ (20% kanë opinion asnjanës).
Ndërkohë ish-kreu i LSI-së dhe aktualisht në postin e Presidentit të Republikës së Shqipërisë, Ilir Meta renditet me një perceptim pozitiv në nivele të ulëta, por shikohet një rritje në aspektin e asnjanësisë
Sipas sondazhit, opinioni pozitiv për presidentin Meta duket se kufizohet tek elektorati i LSI-së: 12% kanë opinion pozitiv për të dhe 48% kanë opinion negativ (40% kanë opinion asnjëanës).
https://tiranatoday.com/sondazhishqiptareve-iu-ka-ardhur-ne-maje-te-hundes-me-edi-ramen/
