“Top Channel” ka mundur të sigurojë nga burime pranë laboratorit kriminalistik, fotot ekskluzive të videos së vetme që fakton rrëmbimin e Jan Prengës.
Në video shfaqet makina e vjedhur më 26 nëntor, ditën e tërmetit në Tiranë, makina hyn në pjesën e kompleksit Golden. Pranë saj shfaqen disa persona që marrin trupin e pajetë të Jan Prengës.
Në fotot e siguruara, duket momenti kur trupi del nga makina.
Këto janë dy foto ekskluzive nga video e cila tregon dinamikën dhe fakton futjen e trupit nga makina ‘Range Rover’, dhe nxjerrjen e trupit të pajetë. Por një burim i sigurt pranë laboratorit të kriminalistikës tha se nga kqyrja e kamerave të sigurisë, janë nxjerrë të dhëna të sigurta për rolin e secilit prej të dyshuarave.
Madje në një moment pamjet tregojnë autorët me kapele që ndryshojnë veshjet, dhe i fusin në qese të zeza. E njëjta gjë duket edhe për fshirjen e gjurmëve, ku shfaqet një nga të arrestuarit, duke hedhur në tokë një solucion për të shkatërruar gjurmë të ADN-së.
