Tërmeti që tronditi Shqipërinë ka bërë bashkë shqiptarët anë e mbanë. Kush me ndihma në vlerë monetare, kush me rroba, batanije, dyshekë apo edhe hapje dyerësh pëer të strehuar të prekurit. Një solidaritet që të emocionon, përballë një tragjedia kaq të madhe që mori jetën dhjetra njerëzve. Si dhe lëndoi me qindra të tjerë e shkaktoi dëme të pariparueshme materiale.
Në këto kohë ku fryma e bashkimit e kontributit duhet më shumë se kurrë, të gjithë mundohen të bëjnë diçka. Veçanërisht figurat publike, të cilët mundin të sigurojnë ndihma të konsiderueshme. Njëra prej tyre është edhe Inva Mula, sopranoja e njohur shqiptare.
Nëpërmjet një postimi në Instagram, ajo bën me dije se do të organizojë një koncert humanitar. Me qëllim mbledhjen e të ardhurave për të prekurit nga tërmeti.
Ajo ka ftuar të gjithë artistët që t’i bashkohen në koncertin e madh që do mbajë më 7 dhjetor në Teatrin e Durrës. Sopranoja me famë botërore ka vendosur të përdorë talentin e saj që t’i dhurojë një strehë të prekurve nga tërmeti.
Të cilët edhe pse i kanë shpëtuar tërmetit kanë nevojë urgjente të akomodohen dhe të marrin ndihma. Kjo pasi pjesa më e madhe e tyre qëndrojnë në çadra dhe janë të pasigurt e frikësuar për të nesërmen.
