Gazetarin Sokol Balla do e shohim tashmë në një tjetër ekran. Pas largimit të papritur nga “Top Channel”, gazetari Sokol Balla do jetë në ekranin e “Report TV”.
Sokol Balla regjistroi spotin e tij të parë promocional për “Report TV”, duke përshëndetur me “ja ku jemi prapë”, një mesazh që qartësisht i referohet kthimit të tij pas ndërprerjes nga eksperienca e mëparshme televizive.
Programi i Sokol Ballës do të titullohet “Real Story”, dhe do të jetë në transmetim çdo të enjte në orën 21:00.
Mësohet se në puntatën e parë do të jetë i ftuar kryeministri Edi Rama, i cili do t’u përgjigjet pyetjeve të analistëve të ftuar në studio.
