Fëmijët binjakë duken shpesh si një magji që ndodh në rrethana të zakonshme. E kush prej nesh nuk është magjepsur nga lidhja midis një çifti fëmijësh, dhe sidomos nga aftësia e tyre për të komunikuar edhe pa thënë asnjë fjalë. Ja cilat janë disa nga aspektet më mbresëlënëse mbi ta, që ndoshta nuk i keni dëgjuar.
Qentë e gjejnë ndryshimin midis binjakëve identikë
Binjakët mund të na ngatërrojnë shpesh ne njerëzit. Por qentë janë të aftë të mbajnë mend dallimet midis tyre. Në një studim të vitit 2011, qentë e policisë gjermane u njohën me aromat e dy binjakëve identikë. Pastaj, ata ishin në gjendje t’i identifikonin ato aroma midis disa kavanozave që përmbanin aromat e njerëzve të tjerë.
Binjakët kanë më shumë të ngjarë të jenë mëngjerashë
Rreth 10 për qind e popullsisë në botë është mëngjarashe. Por ky numër është më i lartë në mesin e binjakëve. Për shembull, në një studim të vitit 2009 mbi 30.116 finlandezë të moshave 18-69 vjeç, përdorimi i dorës së majtë ishte më e zakonshëm tek binjakët (8.1 përqind) sesa tek trinjakët (7.1 përqind), apo fëmijët e lindur vetëm (5.8 për qind).
Ekziston disa lloje binjakësh “gjysmë-identikë”, dhe ata “identikë”
Binjakët identikë quhet monozigotikë. Në rastin e tyre, një vezë e vetme e fekonduar ndahet në dy gjysma. Binjakët monozigotë ndajnë 100 përqind të gjenomit të tyre, ata dyzigotë 50 për qind dhe semi-zigotë, ndajnë një përqindje midis. Rreth 25 përqind e binjakëve identikë, janë pasqyra e njëri-tjetrit. Pra disa nga tiparet e tyre fizike janë të barabarta, por të kundërta, si në pasqyrë. Dikush mund të ketë një shenjë lindjeje në anën e djathtë, tjetri të njëjtën shenjë e ka në anën e djathtë.
Binjakët që rriten të ndarë nga njëri-tjetrin, ka ende të ngjarë të kenë personalitete, interesa dhe qëndrime të ngjashme
Në një studim historik të vitit 1990, studiuesit studiuan më shumë se 100 çifte binjakësh që rriteshin larg njëri-tjetrit. Rezultatet treguan se ndonëse ata nuk ishin rritur bashkë, ndanin ende shumë tipare të personalitetit, temperamentit, interesa personale dhe profesionale.
Ata socializohen që në barkun e nënës
Nëse ju ka qëlluar të qëndroni për disa kohë me dikë në një ambjent të vogël, me siguri që keni filluar të bisedoni. Imagjinoni pak si është të bllokoheni në një hapësirë të vogël me dikë për nëntë muaj! Në një studim të vitit 2010, studiuesit përdorën teknologjinë e ultratingujve, për të monitoruar 5 çifte binjakësh gjatë shtatëzanisë. Gjatë studimit të tyre, u pa se ata kishin një kontakt të madh fizik me binjakun e tyre.
Nënat e binjakëve jetojnë më gjatë
Në një studim të madh të vitit 2011, studiuesit shqyrtuan të dhënat e popullsisë në Utah të SHBA-së, duke marrë informacione mbi nënat gjatë viteve 1807-1899. Kishte gjithsej 4.603 nëna me binjakë dhe 54.183 me lindje vetëm një fëmijë. Rezultatet treguan se nënat e binjakëve, kishin një vdekshmëri më të ulët pas menopauzës, dhe një pjellori më të lartë gjatë jetës sesa gratë e tjera.
Gratë më të gjata dhe ato që konsumojnë shumë bulmetin, kanë më shumë gjasa të lindin binjakë
Ndër faktorët e shumtë që mund të çojnë tek një grua të lindë binjakë, është gjatësia trupore. Në një studim të vitit 2006 në Nju Jork, studioi 129 gra që kishin lindur binjakë ose trinjakë. Ai gjeti se gjatësia e tyre mesatare ishte 168 cm, pra më shume se 3 cm të gjatë sesa mesatarja kombëtare.
Shkencëtarët hipotezuan se një proteinë që gjendet më shpesh tek faktorët e rritjes në formën e insulinës, ose IGF, mund të stimulojë vezoret për të garantuar mbijetesën e më shumë se 1 embrioni. Ndërkohë një studim tjetër i po atij viti 2006, zbuloi se gratë që konsumojnë më shumë produkte shtazore, përfshirë bulmetin, kanë më shumë gjasa të lindin binjakë.
Falë tyre janë arritur shumë përparime shkencore
Baza për një zbulim shkencor, është kontrolli dhe testimi grupor. Dhe kush e garanton më mirë atë, sesa individët që bartin kaq shumë tipare të përbashkëta? Binjakët identikë, kanë marrë pjesë në studime që testojnë ilaçet kundër sëmundjeve si psoriaza, artriti psoriatik, kanceri i gjirit etj.
Ndërkohë kur NASA donte të kuptonte më mirë efektet e një udhëtimi hapësinor afatgjatë mbi trupin e njeriut, ata testuan një çift astronautësh, që qëlluan të ishin binjakë identikë. Skot dhe Mark Kelli, ishin pjesë e një studimi 340-ditor, gjatë të cilit Skot jetoi në Stacion Hapësinor Ndërkombëtar, ndërsa Marku në Tokë. Rezultatet e botuara këtë vit, treguan se Skot kishte disa ndryshime të rëndësishme në trupin e tij pasi kaloi gati një 1 vit në hapësirë, disa prej të cilave zgjatën disa muaj edhe pas kthimit të tij në Tokë.
TIRANA TODAY
