Përzgjedhja e emrit të kandidatit të Partisë Socialiste për Bashkinë e Urës-Vajgurore, është shoqëruar me debate të ashpra mes anëtarëve në mbledhjen e asamblesë së qytetit.
Në prani të Blendi Klosit, në ambientet e kinemasë së qytetit, socialistët nuk kanë qenë dakord me kandidaturën e kryetares aktuale, Juljana Memaj, të mbështetur nga Klosi.
Asambleja e Partisë Socialiste të Urës-Vajgurore ka propozuar 2 emra të tjerë kandidatësh për bashkinë: Fatli Afilaj, aktualisht kryetar i këshillit të qarkut Berat dhe Isuf Baze, inspektor në DAR Berat.
