Kryeministri Edi Rama po mban një takim me studentë, në kuadër të paktit për universitetin, lidhur me Programin Kombëtar të Praktikave të Punës.
Në bashkëbisedimin me studentë, nuk kanë munguar as batutat. Një nga studentët, teksa ka marrë fjalën, ka uruar ministren e arsimit, Besa Shahini për martesën me deputetin nga Kosova, Dardan Molliqaj.
“Fillimisht dua t’i uroj ministres të Arsimit urime për martesën, të trashëgohesh”, tha djali duke shkaktuar të qeshura në sallë.
Më tej, ai është ankuar edhe për faktin që ministrja nuk u ka dhënë llokume, traditë kjo e familjeve shqiptare.
“Të falënderoj që erdhët sot, urime edhe pse nuk morëm llokume”, tha i riu.
“Ça do ti? Paske ardhur për llokume, po mirë na thoni ndonjë ankesë se ne dhe këto duhet t’i dimë”, tha kryeministri Rama.
Ndërsa ministrja e Arsimit u përgjigj:
“Faleminderit për urimin, ju lutem kur të merrni fjalën na thoni se ku studioni që ta dimë”, tha Shahini, ndërsa Rama ia priti “të dimë ku t’i sjellim llokumet…”
