Një akrobat 27-vjeçar ka humbur jetën teksa performonte numrin e quajtur “rrota e vdekjes”. Ngjarja e rëndë ka ndodhur në një cirk në Angli.
Viktima ishte nga Maroku, ndërsa gjatë interpretimit, Khalid, ishte ngjitur në kafazin metalik që rrotullohet, si pjesë e aktit final, kur humbi kontrollin dhe ra, duke u përplasur edhe me një pengesë metalike.
Pjesëmarrësit menduan se e gjithë skena që panë ishte pjesë e numrit, derisa disa akrobatë të tjerë i shkuan pranë për ta ndihmuar. Ata dëshmuan se ishte një ngjarje e tmerrshme dhe se shumë fëmijë që ndodheshin aty për të parë shfaqjen ishin traumatizuar.
“Ishim të gjithë të shokuar. Për një moment, mendova se ishte pjesë e numrit, por më pas kuptova që jo”.
I riu u transportua menjëherë në spital, por nuk arriti t’u mbijetonte plagëve të marra.
