Kualifikimi në fazën e grupeve të Europa League duke kaluar 4 raunde është një arritje që asnjë skuadër shqiptare nuk e ka realizuar ndonjëherë. Për ta shndërruar ëndrrën realitet Skëndërbeut do ti duhet të mposhtë një super klub si Dinamo e Zagrebit.
Korçarët do të sfidojë sot në orën 19 : 00 në “Maksimir Stadium” skuadrën e drejtuar nga Marko Cvitanovic. Një “remake” i dy sezoneve më parë në “Play-offin” e Ligës së Kampionëve, me shpresën që kësaj here të ndryshojë përfundimi dhe të fundi të jetë i lumtur për bardhekuqtë. Trajneri i 6 herë kampionëve të Shqipërisë Ilir Daja duket se tashmë e ka kristalizuar formacionin titullar. Nën modulin 4-1-4-1. Në kuadrat Orges Shehi, mbrojtja do të përbëhet nga Vangjeli, Radas, Jashanica dhe Mici. Osmani do të vendoset pak më përpara repartit difensiv, teksa në mesfushë do të jenë Gavazaj, Lilaj, Nimaga dhe Latifi, më i avancuar do të rreshtohet Ali Sowe. Dallohen disa ndryshime në krahasim me takimin kundër Mladës, me James Adeniyi që duke llogaritur edhe disa probleme fizike i ka lënë vendin Sowe-s.
Dinamo e Zagbreit nga ana tjetër ka një mungesë kryesore që është ajo e Hilal El-Sudanit. Sulmuesi algjerian nuk është rikuperuar plotësisht nga një dëmtim muskulor dhe nuk do të rrezikohet nga trajneri Cvitanovic. Lojtarëve të Skënderbeut i është premtuar edhe një bonus prej 200 mijë eurosh në rast kualifikimi, pra elementët motivues janë të gjithë të pranishëm për ekipin jug-lindor.
