Ekipi i ‘Skënderbeut’ ka fituar përballë Kairat Almatit me rezultatin 2-0. Ndeshja e luajtur në Korcë ka nisur në orën 20:00 dhe pjesa e pare ka përfunduar me rezultatin 0-0, ndërsa me nisjen e pjesës së dytë, korçarët kanë kaluar në avantazh me golin e Sabien Lilaj në minutën e 50.
Në minutën e 83 Sebino Plaku dyfishon rezultatin duke çuar shifrat në 2-0. Më këtë fitore, Skënderbeu kalon në turin e tretë të Ligës së Kampionëve. Ndeshja e parë përfundoi me rezultatin 1-1.
Në minutën e 75′ Lilaj la Skënderbeun me 10 lojtarë, pasi merr kartonin e dytë të verdhë dhe rrjedhimisht të kuqin pas një ndërhyrjeje të gabuar. Por numri i lojtarëve është barazuar në minutën e 85′ pasi Kairati mbetet gjithashtu me 10 lojtarë, pasi Arzo ndëshkohet me karton të kuq për veprim anti-sportiv duke goditur Vangjelin.
Trajneri Ilir Daja nuk ka bërë asnjë ndryshim në formacionin titullar duke hedhur në fushë të njëjtët lojtarë si në ndeshjen e parë. I pranishëm në stadiumin e Korçës është edhe trajneri i ri i kombëtares shqiptare, Kristian Panuçi.
http://www.dailymotion.com/video/x5u8tj4
