Skënderbeu nuk arrin të lejë gjurmë në përballjen me Partizanin në Beograd. Korçarët janë mundur me rezultatin 2-0 në stadiumin “Partizan”, me gola te Tosic dhe sulmuesit Tawamba. Ka qenë një pjesë e parë mjaft e mirë për lojtarët e Ilir Dajës por që janë ndëshkuar nga një goditje dënimi. Xhejms dhe Soue në sulm përpiqen në çdo minutë për të rrezikuar, por mbrojtja e serbëve është mjaft e fortë.
Pjesa e dytë nis me një Skënderbe që di vetëm të sulmojë. Krijojnë shumë raste por portieri i Partizanit, Stojkoviç është i pakalueshëm. Në momentin më të mirë për korçaret, vjen një gabim i Lilajt pas një topi të pasur nga Shehi dhe vjen goli i dytë. Është Tawamba që shfrytëzon atë gabim për ti dhënë një goditje mjaft të madhe Skënderbeut. Ata provojnë deri në minutën e fundit për të shënuar, por kur po afronte fundi po i linin fuqitë edhe ata. Daja përpiqet të freskojë ekipin me zëvendësimet, por e kanë të pamundur të depërtojnë në zonë dhe të shkurtojnë diferencën.
Në Beograd ka qenë një situatë mjaft e rëndë, pasi tifozeria vendase në çdo moment ka qenë duke bërë thirrje të llojit “Kosova është Serbi”. Për këto thirrje do të merren masat nga UEFA.
