Kryetari i Partisë Demokratike, Lulzim Basha insiston në faktin se autoritetet shëndetësore duhet të bëjnë më shumë testime për Covid-19,
Por, Kreu i Urgjencës Kombëtare Skënder Brataj nuk ëshë I të njëjtit mendim.
Ai thotë se bëhen aq teste sa kërkohen, dhe këtë nuk e vendos institucioni që ai drejton.
Brataj u shpreh se përgjigja e tamponeve vonohet sepse ka prioritete.
”Testet nuk bëhet hajt t’i bëjmë se nuk kemi se çfarë të bëjmë. Teste do të bëhen aq sa kërkohen, nuk i vendosim ne. Në privat shkohet për arsye administrative dhe konfirmohen nga ISHP-ja.
Mënyra e kërkesës dhe vlerësimit për tampon vazhdohet të bëhet përmes 127 dhe ndiqet procedura e zakonshme. Për vonesën e tamponëve ka prioritet për ata që janë të sëmurë, që merren nga urgjenca, spitalet dhe më pas vijnë ritestimet. Nëse shtohen kërkesat sigurisht do t’u jepet prioritet rasteve më urgjente.
Sot vetëm Tirana kishte 150 raste. Ne nuk duhet të fokusohemi në një pikë, se nuk ndryshon gjë në ecurinë dhe në kurmin e sëmundjes.’’, tha Brataj në ‘Tempora’.
