Blutë e Tiranës kanë bërë të mundur arrestimin e një 36-vjeçari, ku së bashku me shtetas të tjerë të cilët janë shpallur në kërkim, kishin krijuar një skemë mashtrimi, duke krijuar 6 firma fiktive me nipte shëtitës, me seli në kryeqytet. Kjo bëhej me qëllim shmangien e pagesave të TVSH dhe tatimfitimin, duke i shkaktuar shtetit dëm në vlerë TVSH-je dhe tatimfitimi në vlerën e 350 milionë lekë të reja. Kapja e shtetasit Elton Zoto, 36 vjeç, është bërë të sajë të operacionit të koduar “TVSH”.
“Specialistët për Hetimin e Krimit Ekonomik dhe Financiar, në bashkëpunim me Prokurorinë e Rrethit Gjyqësor Tiranë dhe Hetimin Tatimor, në vijim të operacionit policor të koduar “TVSH”, kapën dhe arrestuan një nga gjashtë shtetasit e shpallur në kërkim, Elton Zoto, 36 vjeç, banues në Tiranë.
Ky shtetas, në bashkëpunim me shtetasit Gëzim Çela, Flamur Zoto, Xhemal Kushova, Ylber Molla (të arrestuar më datë 21.09.2018 në kuadër të operacionit TVSH), kishin krijuar një skemë mashtrimi, duke krijuar 6 firma fiktive me nipte shëtitës, me seli në qytetin e Tiranës, me qëllim shmangien e pagesave të TVSH dhe tatimfitimin, duke i shkaktuar shtetit dëm në vlerë TVSH-je dhe tatimfitimi në vlerën e 350 milionë lekë të reja.
Vijon puna intesive për kapjen e pesë shtetasve të tjerë të shpallur në kërkim. Materialet proceduriale iu kaluan Prokurorise pranë Gjykatës së Shkallës së Parë Tiranë, në ngarkim të shtetasit E. Z., për veprat penale të “Fshehje të ardhurash”, “Mospagimi i taksave dhe tatimeve”, “Krijimi i skemave mashtruese lidhur me tatimin mbi vlerën e shtuar” dhe “Falsifikimi i vulave, stampave dhe formularëve”.
