Gjykata e Krimeve të Rënda në Tiranë ka caktuar në 25 nëntor 2017 masën e sigurisë arrest me burg për Jaeld Celën dhe Gjegj Kohilin, dy ish shefat e policisë të implikuar në trafikun e drogës.
Në vendimin e Gjykatës, i cili u bë publik sot edhe nga Partia Demokratike përmes një konference për shtyp të Enkelejd Alibeajt, përmenden edhe kushërinjtë e ministrit që për kohën kur janë zhvilluar bisedat dyshohet se bëhet fjalë për Sajmir Tahirin.
Ndërsa një pjesë nga përgjimet telefonike dhe transkriptimet e tyre nxjerrin zbuluar tre ish shefat e policisë të shpallur në kërkim për lidhje me Habilajt në kultivimin e lëndëve narkotike.
Habil Aj by Sejrie Baleta on Scribd
Pjesë nga vendimi i gjykatës
Nga tabulatet telefonike dhe qelizat e përdorura gjatë thirrjeve telefonike të kryera nga numrat telefonikë celularë 069 88 17 152, 0694683312 dhe 0693896070 të rezultuar të regjistruar në emër të shtetasit Jaeld Çela, njoftohet për komunikime të kryera me Florian Habilaj, Gentian Çeka dhe Orest Sira, konkretisht:
Jaeld Çela me numrin telefonik 069 88 17 152 në datë 28.01.2016 komunikoi me shtetasin Florian Habilaj me numrin telefonik 0792026777, ndërsa ky i fundit i dërgoi një mesazh Jaeld Celës në datën 31.12.2016.
Gjithashtu Jaeld Cela ka disa komunikime me shtetasin Gentian Çela duke përdorur ky i fundit numrin telefonik 0698883788 si dhe komunikime me shtetasin Orest Sota, duke përdorur ky i fundit numrat telefonikë 066 2020116 dhe 0692108018.
Nga tabulatet telefonike dhe qelizat e përdorura gjatë thirrjeve telefonike të kryera nga numrat telefonikë celular 0692987653, 0693531437, 0693492477, 0695720222, 0696772065, 0698305020, 06989880, 0692662260, 0698477545, të rezultuar të regjistruar në emër të shtetasit Gjergji Kohlia njoftohet për komunikime të kryera me Artan Habilaj, konkretisht Artan Habilaj, në datë 16.7.2016 i dërgoi mesazh shtetasit Gjergji Kohlia në numrin telefonik 0693531437.
Transkriptimet e komunikimeve telefonike të përgjuara të vlerësuara në unitet me të dhënat e përfituara nga akti i ekspertimit teknik të aparateve telefonikë celularë, kryer nga prokuroria, si dhe transkriptimet e komunikimeve telefonike të ardhur në ekzaminim të letërporosisë dërguar autoritetit gjyqësor italian njoftojnë përfshirjen e shtetasve Jeeld Çela dhe Gjergji Kohlia në bashkëpunim me shtetasin Sokol Bode, në aktivitetin kriminal të kultivimit e trafikimit, nëpërmjet mbështetjes së ofruar. Duke qenë ata në funksione të larta drejtuese në Drejtorinë Vendore të Policisë Vlorë.
