Qendra Klinike Universitare e Kosovës (QKUK) më shumë është në fokus të medieve për skandalet ku përfshihet sesa për parimet shkencore dhe efektive.
Për këtë arsye shumë qytetarë detyrohen që të paguajnë mijëra euro për mjekim jashtë vendit, sepse QKUK-ja e ka të pamundur që t’i trajtojë të gjithë qytetarët.
Një qytetarë që ka operuar gjurin në Klinikën e Ortopedisë në QKUK ka publikuar një tjetër gjë të çuditshme që ndodh aty. Ajo ka publikuar në Facebook faturën, e cila dëshmon se ajo ka paguar mantelet sterilë për mjekët që do ta operonin.
Kosovarja Duda Daka, është skandalizuar nga kjo kërkesë e mjekëve të QKUK-së. Për post gjilpërave, as aj i është kërkuar edhe blerja e 10 manteleve për mjekët.
“Nëse bëheni operacion në QKUK/Ortopedi, përpos medikamenteve duhet me ble edhe gjilpëra dhe mantelë për mjekët që të bëjnë operacion. Paramendoni, ja shikoni se si i ka shkruar mjeku se çka duhet. Ja edhe fatura: 10 mantela për 10 mjekë. Kuku bre, çka po ndodh me neve?? Se 10 mjekë do të bëjnë operacion të gjurit. Mjerim, trishtim”, ka shkruar ajo.
