Një rast skandaloz është denoncuar nga një qytetar, pasi bluzat e bardha kanë ngatërruar mjekimin ndaj tij. Një 20-vjeçar ishte drejtuar për në spitalin e Peshkopisë, për të hequr një puçër që i kishte dalë pas shpine, por mesa duket, mjeku i papërgjegjshëm i ka hequr apandesitin.
Ky rast ka ndodhur në 20 shtator të këtij viti, e ndërsa policia e ka mbajur të fshehtë. Qytetari i cili është ankuar tek ish-kryeministri Berisha, bën me dije se kontrollin ia ka kryer kirurgu Gazmir Xhembulla, i cili është dhe burri i deputetes së PS, Almira Zebi Xhembulla.
Ai e ka këshilluar që të operohej. Por pasi e ka futur në sallën e operimit, asgjë nuk ka shkuar siç duhej. Familjarët e djalit nuk e kanë lënë me kaq, por janë drejtuar në rajonin e policisë, ku edhe kanë denoncuar mjekun.
