Skandali/Zhvatje dhe mashtrim, 6 vite burg për ish-sulmuesin e Juventusit

Telashe serioze për Vincenzo Iaquintan, 38-vjeçarin kampion bote me Italinë në vitin 2006. Në kuadër të procesit gjyqësor “Aemilia”, kundër organizatës mafioze “Ndragheta”, Prokuroria ka kërkuar 6 vite burg për ish-sulmuesin e Juventusit dhe të Kombëtares së kaltër.Babai i tij, Giuseppe, rrezikon një dënim shumë më të madh, deri 19 vite burg. Organi i akuzës, në përfundim të procesit “Aemilia” për infiltrimin e “Ndraghetas” në Emilia Romagna ka kërkuar dënimin e 151 të akuzuarve për një total 1712 vite burg.PROCESI-Në mesin e krimeve, të pandehurit e shoqatës kriminale mafioze akuzohen për fatura të rreme, kamatë, zhvatje dhe mashtrim. Kërkesat më të larta dënimi erdhi për Michael Bolognino (18 në gjykim të shkurtër), Gaetano Blasco (16 vjet në gjykim të shkurtër), Pasquale Brescia (4 vjet dhe 6 muaj në gjykim të shkurtër).