Megjithëse kanë kaluar disa orë nga fillimi i botimit të fakteve, Rovena Gashi nuk i është përgjigjur ende as pyetjes së parë e asaj asaj të dytë, të bëra publike nga “Alpenews.al”. E vetmja përgjigje që kemi marë kanë qenë sulmet e jashtëzakonshme drejt website-s sonë që nga momenti i bërjes së pyetjes së parë e deri më tani, nga hackera me “ip” në Ukrainë, Francë, etj. që kanë tentuar të na bllokojnë faqen. Duke harruar se e vërteta e kësaj historie do të dalë deri në detajin e fundit, vetëm në emër të transparencës.
Kjo na gëzon pa masë sepse tregon që jo vetëm lajmi ka shkuar tek njerëzit, por edhe mesazhi i duhur, ka mbërritur në veshët e duhur. Ndaj po vijojmë me shtrimin e pyetjeve të tjera, një e nga një me radhë, në pritje të një përgjigje nga znj. Gashi.
E derisa kjo përgjigje të vijë, është momenti që të shtrojmë PYETJEN Nr. TRE për të.
Rovena Gashi, ish Drejtoresha e Drejtorisë së Marrëdhënieve me Jashtë dhe e Dekriminalizimit ë Prokurorinë e Përgjithshme gjatë kohës që ajo “bënte ligjin” nëpërmjet ish Kryeprokurorit Llalla ka dorëzuar një deklaratë pasurie e cila nuk thotë asgjë. Ndaj ne po mundohemi që ta ndihmojmë atë që ta bëjë transparencën e vërtetë përpara shqiptarëve.
Ne ju ftojmë sërisht si edhe për pyetjen e parë dhe të dytë, që ta lexoni me vëmendje këtë paragraf:
Shiheni me kujdes shkresën këtu poshtë. Eshtë faqja e parë e dokumentit që znj. Gashi ka dorëzuar pranë Inspektoriatit të Lartë të Kontrollit të Pasurive dhe Konfliktit të Interesit. Eshtë hera e parë që këto dokumenta bëhen publike. Përveç të tjerash, fiksojeni mirë në memorie faktin se ajo është Rovena, e bija e Nuredinit. Babai i saj Nuredini është i biri i Rexhep Gashit dhe është i datëlindjes 7 dhjetor 1955.
Pyetja NUMER 3 për Rovena Gashin është: Çfarë lidhjesh keni me firmën “AL 2003 shpk” me zyra qëndrore në Lagjen 14 të Durrësit, në hyrje të autostradës drejt Tiranës.
Për tju ndihmuar që ta keni më të lehtë në kthimin e përgjigjes po ju ndihmojmë duke ju thënë se objekti i aktivitetit të këtij subjekti është “import eskporti, tregtia e mallrave të ndryshëm me shumicë dhe pakicë.”
Nëse nuk mjaftojnë shtojmë se kanë si objekt të biznesit të tyre edhe “punime hidraulike e hidrosanitare”.E më tej akoma nëse ju duhet ndonjë detaj edhe më sinjifikativ kanë si objekt të aktivitetit të tyre edhe “peshikimin selektiv”.
Pyetja që kemi tani për zonjën Gashi është:
A keni ndonjë lidhje Ju ose ndonjë familjari Juaj shumë i afërt që është pjesë e procesit të vettingut sipas detyrimit që përcakton ligji (jo bashkëshorti, sigurisht), me këtë subjekt? Një lidhje kjo që mund të jetë ose direkte ose indirekte, ose e drejtëdrejtë ose e tërthortë? Çfarë ju lidh konkretisht me të? A janë gjërat që ju lidhin objekt i deklarimit të pasurisë nga ana Juaj? A i keni pasqyruar ato në formularët e deklarimit të pasurisë dhe në ato të vettingut?
Ne jemi në pritje. Edhe për pyetjen e tretë, si edhe për dy të parat, ne ju vemë në dispozicion 24 orë. Nëse ju nuk do të keni mirësinë që të përgjigjeni, ne kemi të drejtën që tia ofrojmë publikut shqiptar faktet/AlpeNews.al
