Kryemadhi ka reaguar pas dokumenteve që janë publikuar në media, se kompania “DH Albania” që ka fituar një prej tenderave të “Unazës së Re” me vlerë 18 milion euro, ka falsifikuar dokumente zyrtare të shtetit amerikan.
Me anë të një postimi në Facebook, kryetarja e LSI, Monika Kryemadhi, tregon se faktet flasin vetë dhe se ku përfundojnë paratë. Ajo i drejtohet kryeministrit Rama me një mesazh të qartë, që ta bëjë zemrën gur, dhe të ndihmojë qytetarët të cilët mbetën pa shtëpi.
Monika Kryemadhi thotë më tej se është e padrejtë që Rama të shkatërrojë jetën e 1 mijë familjeve, vetëm se do të marrë 18 milion euro, dhe klientët e tij pallate.
