Busti i Skënderbeut, i cili do të vendoset edhe në Budapest, shkaktoi reagime të shumta, duke qenë se shtatorja nuk kishte aspak ngjashmëri me portretin e heroit.
Kështu, ambasadori shqiptar në Hungari ka sqaruar se ky bust nuk është përfunduar ende dhe se do të pësojë ndryshimet e duhura:
“Duke marrë shkas nga disa reagime të miqve në FB lidhur me fizionominë e bustit të Skënderbeut që planifikohet të vendoset në Budapest, dëshiroj të sqaroj se maketi i paraqitur në foto është vetëm maket. Ai do të pësojë ndryshime deri sa të marrë tiparet me të cilat shqiptarët janë familjarizuar. Faleminderit për mirëkuptimin”, shkruan ambasadori Arian Spasse, ndërsa ajo që vihet re është se dy fotografitë e mëparshme janë hequr nga faqja e ambasadës në Facebook.
Busti i Skënderbeut po realizohet nga skulptori hungarez Mihaly Gabor dhe do të vendoset në Budapest, pranë monumentit të heroit hungarez, Janosh Huniadi.
