Gazetarja e kronikës, Anila Hoxha, në shenjë kambane ka vënë në dukje përmes një postimi në Facebook, se një i dënuar me burgim të përjetshëm pritet të lirohet. Teksa gjyqësori është në kolaps, kjo i hap rrugë një të dënuari që të shpëtojë kokën e tij. Kjo rrëmujë që po ndodh me sistemin e drejtësisë, po shpëton në të njëjtën kohë të dënuarit për vepra të ndryshme.
Ja postimi i saj i plotë:
Vini re …! !!
A po bëhet gati “dreqtësia” të nxjerrë në liri një tjetër të dënuar të përjetshëm???!
Në pritje të rezultateve të Vettingut, kur të gjithë po numërojmë kokat e prera të gjyqësorit dhe prokurorisë, të tjerët po shijojnë rrëmujën.
Në kushtet kur gjyqësori është në kolaps, ky i dënuari i perjetshëm mund të dalë javët në vazhdim. Dhe me shumë mundësi, ky vendim do shpallet nga një gjykatë rrethi.
Kaq.
Do doja që kjo qe sapo shkruajta të ishte një status fake news.
Por nëse do jetë kështu, mundësitë përse ai do lirohet janë:
- Lekët…..!!
- Askush nuk ka kush e kontrollon gjykatën, sepse Inspektoriati i Larte i Drejtësisë nuk egziston
- Prokuroria e Përgjithëshme po fle gjumë. Prokurorët e thjeshtë janë të pataksur, sepse kanë dy llogari të hapura, nga njëra anë kriminelët dhe nga ana tjetër presioni i Vettingut. Disave prej tyre madje kanë filluar tu dërgohen mesazhe dhe të kërcënohen nga Vettingu, edhe nga njerëz që i kanë hetuar
D.Këshilli i Lartë Gjyqësor është në autobuz, dhe mban ende të arkivuara 180 ankesa të qytetarëve që pas ngritjes se KLGJ, ankohen se gjyqtarë të caktuar kanë shkelur ligjin dhe paanësinë e pushtetit të tretë.
Por këto ankesa jane arkivuar në listë pritje derisa të ngrihet Inspektoriati i Lartë i Drejtësisë, që do duhet të kryente hetimin për këto ankesa.
E gjitha kjo i shkon për shtat asaj barsaletës me kafshë pylli. Gomarin po e kafshonte ujku, dhe ai i shkreti mbylli sytë fort dhe u lut: “Bëje Zot ëndërr ..!”.
