Gjatë sezonit veror, shpesh pushuesit ankohen për çmimet e ‘kripura’. Shpesh këto çmime nuk justifikohen për shërbimin që marrin qytetarët.
Turistët e huaj hasen përballë një mrekullie natyrore në Shqipëri, por shpesh bizneset e teprojnë duke vendosur çmime aspak të përballueshme. Një tjetër rast abuziv raportohet në një restorant në plazhin e Dhërmiut.
Një pushues nga Kosova ka paguar edhe tavolinën me tri karrige në një restorant.
Turisti nga Kosova pa dashur të prononcohet, tregon përmes faturës se ka paguar 450 lekë për tri karrige, ku në total fatura e tij kishte kushtuar 2.950.00 lekë.
Në faturë shënohet me emrin “Cover”, të cilat janë ulëset për vendin ku janë ulur.
