Politikanët shqiptarë bëjnë fushatë për veten e tyre edhe kur nuk janë në periudhë zgjedhjesh. Ata shkelin çdo normë etike, morale dhe ligjore. Në shkollën e Xarrës në bashkinë Konispol, nxënësit kanë mbajtur në dorë letra duke falenderuar kryetarin e Bashkisë së Konispolit, Shuaip Beqiri.
Në këtë shkollë është ndezur kaldaja dhe fëmijët janë përdorur për të falënderuar kryetarin e Bashkisë.
“Ditë gëzimi ishte sot për nxënësit e shkollës 9-vjeçare Xarrë. Kaldaja filloi punën, ngrohja është e pranishme në çdo klasë. Nxënësit e zhvillojnë mësimin në kushte shumë të përshtatshme,shumë të rehatshëm pa xhupa. Shkolla jonë është më mira në Qarkun e Vlorës,me të gjitha kushtet për një mësimdhënie dinjitoze.
Prindër,nxënës dhe kolektivi i mësuesve i shpreh mirënjohjen dhe falenderojnë kryertarin e Bashkisë Konispol Z.Shuaip Beqiri për këtë vepër madhështore!”, thuhet në postimin e shkollës në rrjetet sociale “Facebook”.
