Rama tha se nuk do ketë një rikthim të gjendjes së fatkeqësisë natyrore, në të gjithë vendin. Në konferencën për mediat, kryeministri Rama deklaroi se po shihet mundësia për të pasur një gjendje të jashtëzakonshme vetëm në zonat e plazheve, përgjatë gjithë vijës bregdetare. Gjithsesi kjo është ende në diskutim. Sot ka nisur puna dhe platforma për administrimin e plazheve.
“Nuk ka arsye për shtyrje të përgjithshme, por po punojnë për idenë që të ketë kufizime në zonën bregdetare. Do jetë vetëm për zonat bregdetare, jo në Durrës, por në plazhin e Durrësit, jo në Vlorë, por në plazhin e Vlorës.
Kjo është ende në diskutim, dhe besojmë se do jetë një ndihmesë për të gjithë. Sot ka nisur puna dhe platforma për administrimin e plazheve. Nuk ka arsye për të shtyrë gjendjen e fatkeqësisë natyrore në të gjithë vendin”, u shpreh Rama.
