Futja e telefonave në burgje tashmë nuk do të jetë më një problem për rojet, pasi teknologjia do ti sinjalizojë në bazë të një sistemi. Kjo procedurë për momentin është aplikuar në Britaninë e Madhe, e ndërsa objektet ku kanë qenë në fokus janë ende sekret.
Ministria e Drejtësisë në Britaninë e Madhe ka filluar të përdorë teknologjinë speciale të zbulimit të celularëve, që përdoren ilegalisht nga të burgosurit. Po si funksionon? Në çastin që konstaton praninë e një celulari në burg, sistemi dërgon alarme në kohë reale.
Stafet e burgjeve janë në gjendje të shikojnë të dhënat e një periudhe të caktuar kohore, për të monitoruar të burgosurit.
Kjo teknologji është aplikuar fillimisht prej 6 muajsh në një burg, dhe është duke u përhapur dhe në katër objekte të tjera. Vendet se ku është duke u përdorur kjo teknologji, nuk janë bërë ende publike.
