Duket se këto orë nuk kanë qënë aspak të qeta për klasën politike, e “mollë sherri” është bërë Sandër Lleshi. Pa kaluar as 24 orë nga takimi Meta-Rama për mosdekretimin nga ana e presidentit të kandidaturës së Sandër Lleshit në krye të Ministrisë së Brendshme, lëvizjet janë bërë më intesive.
Paçkas tentativës për të kamufluar përplasjen institucionale, palët zgjodhën të jepnin përgjigje për ngërçin e krijuar. Në pamje të parë reflektohet edhe gjëndja e agravuar mes dyshes Rama-Meta, apo raportit president-qeveri.
Lëvizja e prerë e Metës për të mosdekretuar Lleshin si ministër, me argumentin: “nuk ka krijuar bindjen e plotë për t’i dhënë besimin kandidaturës së Z. Sandër Lleshaj si ministër i Brendshëm”, ka sjellë kundërpërgjigjen e Ramës. Kryeministri Edi Rama vendosi ta emërojë gjeneralin si zv/ministër, duke i deleguar drejtimin e dikasterit të punëve të Brendshme.
Këtë vendim ai e ndau edhe me grupin parlamentar socialist, ku edhe ka njoftuar mbledhjen e Parlamentit në seancë plenare jashtë radhe, me qëllim miratimin brenda afatit kushtetues të dekretit, për shkarkimin nga detyra të Fatmir Xhafës.
Në përfundim të mbledhjes së grupit, Rama zyrtarizoi vendimin me një postim në Twitter: “Dakordësi e plotë në Grupin Parlamentar. Kuvendi do të miratojë nesër dekretin e Presidentit për shkarkimin e ish-ministrit të brendshëm. Sandër Lleshi do të marrë drejtimin e MB si zëvendës ministër. Por nuk mbaron me kaq. Për më shumë do t’i drejtohem Kuvendit nesër në 10.00”.
Sot, teksa pritet se çfarë do të rezervojnë palët politike, një detaj pikant e servir ish-kryeministri Berisha, i cili lëshon “bombën” e radhës.
https://tiranatoday.com/zbardhen-detajetterhiqet-rama-sdo-votoje-per-sander-lleshin-meta-ben-levizjen-e-radhes/
Çfarë parashikon Kushtetuta?
Pozicioni i marrë nga Meta për rastin Lleshi, ka hapur një konflikt kushtetues dhe një precedent të paregjistruar më parë. Kushtetuta parashikon se “Ministri emërohet dhe shkarkohet nga Presidenti i Republikës, me propozim të Kryeministrit, brenda 7 ditëve”, duke mos lënë hapësira për një ndërhyrje të Kreut të Shtetit.
Kushtetuta përcakton se “Presidenti i Republikës, në zbatim të kompetencave të tij, nxjerr dekrete”. Në të vërtetë ai firmosi dekretin për shkarkimin e ish-ministrit të dorëhequr Fatmir Xhafaj, duke iu referuar dhe bazës ligjore.
Ndërsa në rastin e Lleshit, ende nuk ka një vendim të motivuar zyrtarisht. Në faqen e Presidencës së Republikës, nuk gjendet një dekret për mos miratimin e propozimit të kryeministrit, madje as njoftimi i shpërndarë nga zëdhënësi të shtunën në mbrëmje, i cili flet vetëm për “mungesën e bindjes” nga ana e Presidentit, dhe jo për bazën ligjore ku ai është mbështetur.
