Vendi sot është përfshirë nga reshje në formë rrebeshi, të cilat rrezikojnë edhe përmbytje në disa qytete të vendit. Kryetari i Bashkisë së Tropojës, Rexh Byberi, u bën thirrje qytetarëve që të kenë kujdes.
Ai ka publikuar foto të dëmeve që ka shkaktuar shiu i pandërprerë në disa zona. Byberi bën apel që institucionet të kenë një vëmendje të shtuar, ndërsa u bën thirrje qytetarëve që të kenë kujdes.
Rexh Byberi ka njoftuar se situata në Bashkinë që ai drejton është emergjente si pasojë e motit të keq, dhe se përshkallëzimi i situatës në të gjithë territorin e Bashkisë që ai drejton po shkon drejt një katastrofe natyrore.
Njoftimi
Situate emergjente e tejskajshme ne Tropoje.
Shiu i panderprere prej dy ditesh shoqeruar me stuhi e rrebeshe po sjell deme te medha ne Tropoje.
Ndodhem se bashku me stafin tim prej mesnate ne Njesine Adiministrative Bytyç ku po monitorojme situaten.
Jo vetem rruget,kanalizimet, jane te tejmbushura por nga gerryerjet dhe shembjet e medha jane ne rrezik banesat e qytetareve.
Gjendja me alarmante eshte ne fshatin Vlad por pothuajse ne te gjithe territorin e Bashkise pershkallezimi po shkon drejt nje katastrofe natyrore.
Apeloj ne menyre urgjente jo vetem prane institucioneve pergjegjese shteterore por dhe tek secili banor i Tropojes per kujdes te shtuar dhe solidaritet.
Kujdesi me i madh duhet te jete tek rezervuaret e tejmbushur te cilet rrezikojne ne raste si ky.
Ne jemi e do te jemi prane qytetareve kudo ku jane ne veshtiresi me mjetet dhe burimet tona njerezore qe te perballojme kete situate te rende e te papritur.
