Teksa ndodhemi në një situatë të pazakontë, lëvizjet politike kanë qenë të shumta e të tilla pritet të vijojnë deri në një vendim të përbashkët të palëve.
Kryedemokrati Lulzim Basha ka thirrur aleatët në një takim që pritet të mbahet në orën 18:00 në selinë blu, ndërsa menjëherë pas këtij takim, PD do të mbledhë Kryesinë në 19:00.
Po ashtu, mësohet se nesër pritet mbledhja e strukturave të tjera të partisë, grupit parlamentar dhe kolegjit të kryetarëve.
Sot, presidenti Meta prezantoi argumentet e tij për vendimin për anulimin e zgjedhjeve më 30 qershor, ndërsa kryeministri Rama insiston se zgjedhjet do të mbahen në këtë datë.
Rama mblodhi sot Kryesinë e PS e më pas pati një takim me ambasadorët.
