Ndërhyrja që Sergio Ramos bëri ndaj Salah në finalen e Champions League, ku egjiptiani u detyrua të lëri fushën në minutën e 30’ dhe rrezikon Kupën e Botës ka marrë përmasa të mëdha. Kapiteni i madrilenëve është detyruar të ndryshojë numrin e tij të telefonin pas kërcënimeve që kanë të bëjnë me dëmtimin e Salah.
Kupa e Botës për Salah është tani në rrezik, edhe pse zyrtarët e Egjiptit shpresojnë që ai do të shërohet në kohë për ndeshjen e parë kundër Uruguajit më 15 qershor. Përveç reagimeve të shumta në rrjetet sociale dhe një peticioni për ta ndëshkuar atë, abuzimi thuhet se tejkalon gjitha këto pasi u pohua se një grup tifozësh gjetën numrin e tij të telefonit.
Sipas COPE Network, të dy, Ramos dhe familja e tij kanë marrë kërcënime, që do të thotë se të gjithë janë detyruar të ndryshojnë numrin e telefonit. Raporti pohon se Ramos është thirrur nga numra anonim dhe ka marrë kërcënime me vdekje
