Pas përpjekjeve të shumta nga ana e zjarrfikëseve dhe banorëve të fshatit Patin në Klos, është arritur të shuhet zjarri i rënë ditën e sotme në masivin pyjor të këtij fshati.
Sipas të dhënave paraprake, rreth 1 hektarë pisha u shkrumbuan si pasojë e flakëve të mëdha, shuarja e të cilave u vështirësua për shkak të erërave të forta dhe mungesës së infrastrukturës rrugore.
Fatmirësisht, Forcat e Emergjencës Civile arritën të shmangin zjarrin nga banesat. Vetëm në ditën e sotme, janë regjistruar 3 vatra zjarri në vendin tonë: në Lezhë, Roskovec dhe Gjirokastër.
Si pasojë e situatës së krijuar, erdhi edhe reagimi i presidentit Meta, i cili bëri apel për mobilizimin dhe përballimin me vendosmëri të situatës.
