Edi Rama pason qëndrimin e Ulsi Manjës një ditë më parë, për Reformën në Drejtësi. Ajo çfarë po trumbetohet prej të djathtëve ka sjellë edhe reagimin e zëshëm të kreut të Komisionit të Ligjeve dhe deputetit të PS, i cili është i bindur se nuk ka kolaps në sistemin e drejtësisë, ndërsa tha se opozita nuk e kupton si duhet Reformën në Drejtësi.
Kjo çështje nuk është lënë në harresë, por është komentuar edhe nga ana e kryeministrit Rama, duke i dhënë një ‘shuplakë’ të fortë PD dhe LSI. Duke zgjedhur rrjetet sociale, si një formë komunikimi më të shpejtë, Rama ia ka kthyer kritikëve përmes një batute. “Më mirë djepi bosh, se shejtani brenda”, ka shkruar ai.
Më herët, kreu i Grupit Parlamentar të LSI, Luan Rama, tha në Kuvend se “pas dy vitesh, Shqipëria është i vetmi vend pa Gjykatë Kushtetuese, pa gjykatë të lartë. Kjo tregon se projeksioni që u ndërtua, Reforma në Drejtësi ka qenë më e pakta me defekte që vijnë dhe na shfaqen deri në këtë gjendje që ne jemi sot. Përgjegjësia bie mbi të gjithë klasën politike”.
https://tiranatoday.com/te-leshojme-pushtet-per-te-bere-shtet-luan-rama-ve-doren-mbi-plage-me-shprehjen-e-nanos/
Kaq ka mjaftuar që kjo deklaratë të mos binte në vesh të shurdhër, e Rama të ‘hakmerrej’ në të njëjtën mënyrë.
