Ambasada e SHBA-ve në Tiranë u kujton shqiptarëve se dy vendet tona kanë të njëjtin simbol “shqiponjën”.
Në faqen e saj në rrjetin social “Facebook”, ambasada ka shpërndarë një foto të një shqiponjë të bardhë. Ambasada ngre alarmin duke thënë se shqiponja, është në rrezik në vendin tonë.
Në postimin e tyre thuhet se në Shtetet e Bashkuara, shqiponja kryebardhë u hoq nga lista federale e specive të kërcënuara dhe rrezikuara më 9 gusht 2007 dhe specia tani është në lulëzim. Amerikanët bëjnë pyetjen se çfarë mund të bëhet për të shpëtuar këto specie të jashtëzakonshme.
Në median shqiptare dhe në rrjetet sociale janë denoncuar disa herë rastet ku shqiponjat mbahen në robëri në kafaze, por dhe kur kapen në male e shiten tek të huajt për 10 mijë lekë.
Postimi i plotë i ambasadës amerikane
A e dini që shqiponja është simbol si për Shqipërinë ashtu edhe për Shtetet e Bashkuara? Në Shtetet e Bashkuara, shqiponja kryebardhë u hoq nga lista federale e specive të kërcënuara dhe rrezikuara më 9 gusht 2007 dhe specia tani është në lulëzim. Për fat të keq, shqiponja është në rrezik në Shqipëri. Çfarë mund të bëjmë për t’i ruajtur këto specie të jashtëzakonshme?
