Silvio Berlusconi, është shtruar në spital, pasi është prekur nga koronavirusi. Ai është në gjendje të qëndrueshme.
Berlusconi, 83 vjeçar, u testua pozitiv për COVID-19 të mërkurën dhe u dërgua në spitalin San Raffaele të Milanos të nesërmen, pasi kaloi një ethe të lehtë. Një radiografi e mëvonshme zbuloi se ai kishte një pneumoni të lehtë në të dyja mushkëritë.
Dr. Zangrillo, u tha gazetarëve se kishte vendosur që ta shtronte në spital zotin Berlusconi si masë paraprake, duke pasur parasysh moshën e tij dhe problemet e mëparshme shëndetësore.
