Procesi i vaksinimit vazhdon te jetë një presion i vazhdueshëm për qeverinë, duke u renditur nder vendet e fundit në marrjen e vaksinës, Shqipëria, po përballet me sfidën e sigurimit të vaksinës.Në ketë proces sic duket ka lënë pas vetëm Moldavinë dhe Malin e Zi.
Duke qenë edhe një nga vendet që ka pasur rritjen më të lartë në raport me popullsinë, duket se kjo është nga sfidat madhore që qeveria duhet të perballoje me sukses.
Pavarësisht këtij fakti, po vërehet se qeveria vetëm po i përdor ato pak doza në shërbim te fushtës së saj zgjedhore.
Për t’i dhënë fund pandemisë nevojitet që një pjesë e madhe e popullsisë së botës të jetë imune nga virusi, por duket se deri tani vetëm vendet e pasura kanë siguruar mjaftueshëm vaksina.
Sipas të dhënave të fundit të analizuara nga “Euronews”, Shtetet e Bashkuara kanë administruar 95.72 milionë doza vaksine, në vend të dytë është Kina me 52.52 milionë vaksina, e ndjekur nga India me 25.69 milionë doza.
Në vend të katërt, vendi me më shumë vaksina të administruara është Mbretëria e Bashkuar, me 24.06 milionë doza, e cila udhëheq Europën. E etur për të vaksinuar sa më shumë njerëz brenda një kohe të shkurtër, Britania ka zgjatur kohën nga doza në dozë.
Kështu, ajo jo vetëm është vendi që posedon më shumë vaksina në total, por edhe shteti që ka injektuar më shumë të tilla, duke kryesuar në rendin e vaksinave për frymë popullsie, ndjekur nga Turqia dhe Gjermania.
Kurse Shqipëria ndodhet e treta nga fundi, duke lënë pas vetëm Moldavinë dhe Malin e Zi. Që në krye të herës ka pasur shqetësime se nuk po “luhet” në një fushë loje të barabartë, pasi vendet më të pasura kanë arritur të marrin sasinë dhe alternativat më të mira të vaksinave.
Sidoqoftë, në shkrimin e “Euronews” vlerësohet përpjekja e disa vendeve të varfra, si Shqipëria, Mali i Zi dhe Bjellorusia në luftën për të marrë diçka në tregun më të kërkuar sot në botë.
Burimi:Panorama
