Kryeministri Edi Rama në takimin e shefave të Shtabit të NATO-s theksoi se mënyra e vetme për të sjellë stabilitet në rajonin e Ballkanit është integrimi në këtë aleancë dhe në BE. Ndërsa vuri në dukje se Ballkani duhet t’i ruhet ekstremizmi. Shqipërinë e cilësoi si tepër serioze në misionet e Aleancës së Atlantikut të Veriut.
Delegacionet e ushtrive të vendeve të NATO-s po mbajnë një takim në Tirane për një takim dy ditor për të diskutuar mbi stabilitetin dhe situatën e sigurisë në Ballkanin Perëndimor
Komiteti kryesohet nga komandanti Suprem i Forcave Aleate për Europën, gjeneralin Kurtis Scaparrotti dhe kryetari i Komitetit Ushtarak të NATO-s, gjeneral Petr Pavel.
“Sot kur NATO e tretë ka filluar të marrë trajtë Shqipëria është vetë NATO. Shqipëria duhet të llogarisë përfitimet por edhe përgjegjësitë. Valët e ekstremizmit janë faktorë të rëndësishëm që përcaktojnë edhe politikën e sigurisë dhe mbrojtjes së Shqipërisë. Shqipëria e ka pasur politikisht të lehtë që të marrë pjesë. Misionet e Shqipërisë në NATO nuk kanë marrë as një votë kundër në Kuvend. Pjesëmarrja jonë nuk ka qenë një sfidë e lehtë. Në përmbushje të misioneve tona do të shoqërohet edhe me rritjet shpenzimeve. FA do të jenë prezent në çdo rast dhe front ku ato do të jenë të thirrura. Edhe në të ardhmen ne do të japim kontributin tonë”, u shpreh Rama.
