Sekretari i përgjithshëm i NATO-s, Jens Stoltenberg, tha se nuk është e mundur të ofrohet siguria për Evropën pa Turqinë. Sipas tij, Turqia ka një rol kyç në luftën kundër terrorizmit.
Stoltenberg ka theksuar se vendet jo-anëtare të Bashkimit Evropian (BE) luajnë një rol të rëndësishëm në sigurinë e Evropës.
Këto deklarata, Jens Stoltenberg i bëri në një fjalim në institucionin “German Atlantic Society” në Gjermani.
Stoltenberg tha se mirëpret përpjekjet e vetë Evropës për të përmirësuar aftësitë e saj të mbrojtjes. Më tej shtoi se kjo do të forconte NATO-n nëse ajo bëhet në një mënyrë që forcon marrëdhëniet transatlantike.
Ai ka tërhequr vëmendjen se pas ndarjes së Britanisë nga BE, 80 për qind e mbrojtjes së NATO-s do të përballohet nga vendet jo-anëtare të BE-së.
Turqia po lufton kundër destabilitetit në Irak dhe Siri, tha Stoltenberg. Ai ka theksuar se “nuk është e mundur të ofrohet siguria për Evropën pa vende të tilla si Turqia e cila ka një rol kyç në çështjen e luftës kundër terrorizmit”./TIRANA TODAY/
