Pas deklaratës së fortë të lëshuar fill pasi mori vesh lajmin e ekzekutimit të burrit të saj, gruaja e të ndjerit, Oliver Ivanoviç, ka ndarë me miqtë e saj në rrjetet sociale një mesazh prekës.
Sipas Kurir, postimi është bërë vonë pas mesnate, ndërkohe që edhe autopsia e të nderit ishte kryer.
Milena Popoviç Bogdanoviç, bashkëshortja e kreut te Iniciativës Qytetare “Serbia, Demokracia dhe Drejtësia”, shënoi këtë status në “Facebook” dhe Twitter.
“Ata qëlluan mbi zemrën time, dashurinë time, gëzimin. Ata qëlluan mbi babain e Bogdanit. Ata qëlluan mbi të gjithë ne.
Liri, Serbia!
Rri në paqe i dashuri im.
Ata që e bënë këtë me siguri nuk do të kenë!”- shkruan ajo.
“Oliver dhe unë kemi përjetuar gjithçka, dhe ata që kanë bërë këtë duhet ta dinë se kjo nuk do të përfundojë këtu”, ka thënë Milena Popovic Ivanoviç.
Gruaja e Oliver Ivanoviç, Milena, e mori vesh lajmin e hidhur teksa po përgatitej për t’iu nënshtruar një operacioni. Sapo mjekët i dhanë dje lajmin se i kishin vrarë bashkëshortin, ajo kishte rënë pa ndjenja në tokë.
Ajo ka reaguar duke u shprehur: E di se kush e ka kryer vrasjen. Përsëri, ata e morën atë. Nuk munda ta shpëtoja. Ata që e kanë bërë këtë duhet ta dinë se nuk do të përfundojë këtu. Unë nuk di se si t’i them Bogdanit se ai nuk e ka më baba,”tha ajo me lot në sy. TIRANA TODAY
