Shumica e njerëzve në botë përpiqen që të humbin peshë, pasi vuajnë nga mbipesha, ose duan të jenë më elegantë.
Por, duhet thënë se ka një kategori të kundërt me këtë më lart, teksa shumë njerëz vuajnë nga nënpesha dhe po mundohen të fitojnë disa kilogramë për t’u dukur dhe ndjerë më mirë.
Ashtu si humbja e peshës, as shtimi në peshë nuk është i thjeshtë dhe nuk mund të ndodhë thjesht duke ngrënë më shumë.
Ka disa hapa që ju duhet të ndiqni që të shtoni peshë në mënyrë të shëndetshme.
Zgjidhni ushqime të pasura me kalori – Mundohuni të konsumoni ushqime me sa më shumë kalori dhe me vlera ushqyese, si arra, fara, avokado, fruta të thata, tërshërë apo ullinj.
Bëni ushtrime fizike – Ushtrimet nuk bëhen vetëm për të humbur peshë, por ndihmojnë edhe në ndërtimin e muskujve dhe në rritjen e oreksit.
Hani më shpesh – Mos konsumoni vetëm 3 vakte, por mundohuni të hani pak dhe shpesh, pra 5-6 vakte të vogla.
Provoni një smuthi me shumë kalori – Nëse ndjeheni bosh në stomak dhe doni të konsumoni diçka mes vakteve, një zgjedhje mjaft e mirë është edhe smuthi, e cila ju ndihmon të merrni kaloritë e ditës. Mund ta nisni ditën me fruta të freskëta, perimet tuaja të preferuara, kos dhe qumësht. Shtoni përbërësit me shumë kalori si arra, fara, avokado, vaj liri, fruta të thata, mjaltë dhe tërshërë.
Shmangi pijet me gaz apo pa kalori – Pijet e gazuara ju largojnë oreksin, prandaj bëni mirë t’i shmangni ato. Në vend të tyre kërkoni të hani diçka dhe të pini pije të ushqyeshme si lëngje të shtrydhura apo dhe qumësht.
Qerasni veten – Mund të bëni kompromis edhe duke mos u fokusuar vetëm te ushqimet e shëndetshme, prandaj konsumoni një akullore, tortë, apo ëmbëlsirë tjetër.
