E shtunë, 31 Korrik, 2021
31.5 C
Tirana

Si mundet që viktima s’ka asnjë shenjë? Pyetjet që po ‘çmendin’ policinë greke

Çdo ditë e më shumë shtohen misteret lidhur me vrasjen e 20-vjeçares në sy të foshnjes në Greqi. Policia ka ngritur një sërë pyetjesh. Vrasja makabre e 20-vjeçares Caroline  Crouch ndodhi në sy të bashkëshortit dhe foshnjës së saj. Pavarësisht përpjekjeve që po bën policia, ende nuk janë kapur autorët e krimit të rëndë. Në një artikull të TaNea, hetuesit kanë ngritur disa pikëpyetje, të cilat vetëm po të marrin përgjigje do të ndihmojnë në zbardhjen e ngjarjes.

Pyetjet e policisë

Si ka mundësi që vrasësit të kishin përgatitur me detaje skenarin, për të mos u kapur nga kamerat, por të harronin që të merrnin me vete materiale për të lidhur të zotët e shtëpisë? Pse morën vetëm 15 mijë euro, dhe asnjë send tjetër me vlerë nga banesa? Si ka mundësi që viktima nuk ka në trup asnjë shenjë, që të tregojë se ka luftuar me vrasësit e saj? Pse autorët, megjithëse kaq të kujdesshëm, nuk morën me vete ose shkatërruan celularët e çiftit? Pse nuk u gjetën gjurmë gishtash, material gjenetik ose gjurmë dorezash në ngjitësin? Pse mungon vetëm karta e kujtesës?

Si ndodhi krimi makabër

Vrasja ndodhi në orët e para të mëngjesit të 11 majit. Tre persona, të cilët shkuan për të grabitur një shtëpi në Greqi, përfunduan duke vrarë 20-vjeçaren britanike, qenin e familjes dhe duke torturuar bashkëshortin e të resë. 20-vjeçarja u gjet e vrarë, në papafingo të shtëpisë, pranë krevatit të fëmijës së saj 11 muajsh, ndërsa burri i saj 32-vjeç ishte i lidhur në një karrige në dhomën e gjumit.

Mediat greke kanë publikuar një video nga kamerat e sigurisë të një makine që lëviz në mënyrë të dyshimtë në zonë. Këto pamje konsiderohen shumë të rëndësishme për hetimin e vrasjes së Caroline Crouch.

Bashkëshorti i së ndjerës, Babis, ka dëshmuar në polici se kur hajduti u ngjit në shtrat për të lidhur gruan, i ra mbulimi prej motoçiklisti që kishte. Vrasësi, sipas përshkrimit të tij, është një 30-vjeçar ezmer, rreth 1.7 metra i gjatë dhe i shëndetshëm. Ai nuk ka folur me bashkëpunëtorët gjatë gjithë grabitjes, përveç momentit kur është larguar. Babis ka thënë se ai ka folur disa fjalë në një gjuhë që nuk e kuptonte dot.

Që prej këtij momenti, policia i ka treguar atij foto të ndryshme të kriminelëve që dyshohet se kanë kryer krimin. Analistët e policisë greke, besojnë se autorët janë anëtarë të një bande të madhe me shqiptarë dhe romë, të cilët karakterizohen për dhunën ndaj viktimave.

Telashe për psikologen e 20-vjeçares, shkeljet që bëri me dëshminë

Sipas mediave greke, efektivët kanë arritur që të verifiojnë rreth 80% të të përfshirëve në ngjarje, të cilët dyshohet se janë 10-15 persona. Ishte bashkëshorti i saj, piloti 32-vjeçar ai që kontrolloi 150 identikite për të dalë në 15 më deçizivet. Probleme janë shfaqur edhe për psikologen e të resë, e cila dëshoi në polici pak kohë më parë. Presidenti i shoqatës, Vasso Boukouvalas tha se psikologia e Caroline, Eleni Mylonopoulou ka shkelur rregullat e profesionit, ndërsa shtoi se nuk ka as diplomë dhe as licencë për të ushtruar profesionin.

“Gazetarët e kanë identifikuar si psikologe, por ajo nuk është. Ka kryer, për më tepër, dy shkelje etike. E para është që psikologut i ndalohet të dëshmojë në ndjekjen penale, ose të mbrojë klientin e tij. E dyta është se është e ndaluar të tregosh atë që të ka besuar dikush. Nuk ka rëndësi nëse vajza ka vdekur”, përfundoi ai. /TIRANA TODAY

- Reklama -

Më shumë nga kategoria




Të fundit

Lamtumirë doktor!

Nga Dritan Hila Ka kohë që diplomatët amerikanë kanë hequr dorashkat. Jo më larg se dje, ambasadorja e SHBA me një gjuhë cinike iu tha...

Shkelën rregullat kundër Covid, përjashtohen 2 sportistë nga Olimpiada në Tokio

Dy xhudistë të Gjeorgjisë janë përjashtuar nga Lojërat Olimpike Tokio 2020, pasi kanë dalë për shëtitje jashtë Fshatit Olimpik, ka raportuar agjencia japoneze e...

117 milionë euro, Manchester City pranë blerjes rekord

Manchester City është shumë afër goditjes së radhës në merkato. Sipas shtypit anglez, mungon shumë pak për arritjen e marrëveshjes për mesfushorin e Aston Villa-s,...

Koronavirusi/ Profesori grek: Do të krijohen më shumë mutacione ngjitëse

Profesori Theodoros Vasilakopoulos në një intervistë për mediat vendase, foli për rrjedhën e pandemisë në vend dhe procesin e vaksinimit ku thotë se ashtu...

Teatri Kombëtar në pronësi të Bashkisë/ PD: Rama nuk pyet për drejtësinë

Partia Demokratike ka reaguar ashpër ndaj vendimin e qeverisë për t'i kaluar truallin e Teatrit Kombëtar në pronësi të Bashkisë së Tiranës. Deputetja e zgjedhur...