Sot jo pak njerëz janë mjaft të shqetësuar mbi shoqëritë sekrete. Disa pretendojnë se grupime si Iluminati, po përpiqen të vënë nën kontroll civilizimin tonë. Në fakt masoneria, ka një histori të errët, por ajo është të paktën disa shekuj e vjetër. Disa njerëz të famshëm në histori, përfshirë shumë nga Etërit Themelues të SHBA-së ishin masonë. Por, përkundër historisë së tyre të gjatë, ka shumë njerëz që nuk dinë shumë gjëra mbi ta.
Ti bashkohesh masonëve, është më e lehtë nga sa mendohet
Frimasonët janë të hapur ndaj anëtarësimeve të reja, pra çdokush mund t’u bashkohet pavarësisht prejardhjes ose shtresës shoqërore. Sigurisht me kushtin që të plotësojnë disa kritere themelore. Masonët janë shumë të aftë në rekrutimin e anëtarëve të rinj, dhe shpesh e kërkojnë hapur këtë.
Ju duhet të bëni kërkesë për anëtarësim në një lozhë masonike, dhe kërkesa juaj më pas shqyrtohet. Sa u përket vendeve sekrete ku zhvillohen takimet, kjo nuk është aspak e vërtetë. Ata e kanë selinë në një godinë buzë një rruge të njohur, ndërsa simbolet e mëdha masonike nderen në fasadën e ndërtesës.
Cilat janë kriteret themelore të anëtarësimit
Së pari shumica e lozhave kërkojnë kryesisht meshkujt. Gratë nuk lejohen të anëtarësohen në shumicën e lozhave në SHBA, edhe pse ka disa përjashtime. Arsyetimi? Thjesht që masonët kanë qenë prej shekujsh kryesisht burra. Kriter tjetër kryesor është të keni një besim të caktuar fetar, ose të paktën të shpallni se besoni tek një fuqi më e lartë.
Kjo kërkesë është disi e çuditshme, pasi masoneria në fakt nuk është aspak një entitet fetar. Shumë lozha kanë një rregull, që thotë se një libër i shkrimeve të shenjta është i hapur gjatë mbledhjeve, por vetëm kaq. Askush nuk lexon domosdoshmërisht ndonjë gjë prej tij.
Masonët kontrollojnë të shkuarën e kandidatit
Edhe nëse i plotësoni të gjitha kërkesat, dhe aplikoni me sukses për t’iu bashkuar një lozhe, asgjë nuk ka mbaruar. Masonët kontrollojnë të shkuarën tuaj, për t’u siguruar që keni një rekord të pastër kriminal. Lozha ka një komitet që merret me shqyrtimin e profilit të aplikantëve të rinj.
Ata verifikojnë që të sigurohen që ju nuk jeni ndonjë mashtrues, apo që mund të përpiqeni të përfitoni nga lozha apo anëtarët e saj për qëllime personale. Apo që aplikantët nuk janë tipat të çuditshëm që besojnë në teoritë e ndryshme të konspiracionit, dhe që duan të infiltrohen në këtë grupim për të zbuluar aktivitetin e tyre të brendshëm.
Kur pranoheni në fillim, ju zbulohen disa nga sekretet e masonëve
Kur i bashkoheni një lozhe masonike, e filloni si nxënës, ose si mason i gradës së parë. Në këtë moment nisni të mësoni disa nga sekretet, të cilat masonët do të preferonin t’i mbanin për vete. Ju i nënshtroheni një riti inaugurues, ku nuk ka ndonjë element të dhunshëm.
Ky rit mbahet sekret nga të huajt, dhe zbulimi i tij mund të sjellë përjashtimin tuaj nga lozha. Edhe mënyra e shtrëngimit të duarve, dhe gjestet sekrete për të identifikuar veten si nxënës të masonëve të tjerë, mbahen sekret.
Riti inaugurues, thuhet se është një alegori e ndërtimit të tempullit të Solomonit, dhe përfshin lidhjen e syve. Por përtej kësaj, gjithçka tjetër është një mister, dhe mund të ndryshojë paksa në varësi të lozhës. Pasi të keni qenë nxënës për një farë kohe, mund të ngjiteni në gradën e bashkëpunëtorit dhe në fund të mjeshtrit.
Organizimi i tyre, është më pak i komplikuar sesa mendohet
Tri shkallë është numri tradicional, por disa lozha kanë më shumë. Si për shembull Frimasoneria e Riteve Skoceze, ka 33 shkallë të ndryshme. Në fakt, nuk ka ndonjë hierarki aq të rreptë në mesin e lozhave masonike. Sipas Shoqatës së Shërbimit Masonik të Amerikës së Veriut, çdo lozhë më e vogël nuk raporton tek një lozhë me e madhe.
Ato mbulojnë një rajon specifik gjeografik, si një qytet të madh apo një shtet i vogël. Por nuk ekziston ka një lozhë në të gjithë botën, me të cilën komunikojnë të gjitha lozhat e vogla. Çdo lozhë malonike, shqetësohet vetëm për punët e veta. Çdo lozhë, supozohet të ndjekë diçka të quajtur “monumentet” e masonerisë, dhe pse ka shumë debate se cilat janë saktësisht ato, pasi secila lozhë e madhe i përcakton ato ndryshe.
Si janë takimet e fshehta të masonëve
Frimasonët kalojnë shumë kohë duke bërë bamirësi, apo duke drejtuar aktivitete për mbledhje fondesh publike për qëllime të mira. Kështu “The Shriners”, djemtë me kapele dhe makina të vogla ndërtojnë spitale. Ata janë një degë e masonëve tradicionalë. Shumica e lozhave masonike kanë qëllime të ngjashme. Po si është një takim i tyre? Pak a shumë i njëjtë me të çdo grupi tjetër. Ata flasin për gjëra të tilla si pagimi i faturave apo organizimi i aktiviteteve të reja. Një herë në vit, ata zgjedhin udhëheqjen e re të lozhës.
Burimi i lajmit: https://www.grunge.com/238338/what-life-is-really-like-as-a-freemason/
Përshtatur nga Tirana Today
