Gazeta gjermane “Bild” sjell informacione të reja lidhur me gjendjen e ish-kampionit të Botës në Formula 1, Michael Schumacher.
Në një artikull të publikuar sot, me titull “Kjo është mënyra se si ish-kampionati i Formula 1, Schumacher jeton sot”, gazeta ka dhënë lajmin e mirë për miliona fansa të Schumacher, teksa shkruan se gjendja e tij është përmirësuar ndjeshëm dhe se ai nuk është më në rrezik për jetën.
“Për Schumacher po kujdesen rreth 10 ekspertë të rehabilimit, fizioterapistë dhe infermierë, në mënyrë që të ndihmojnë familjen e kampionit për të shpejtuar përmirësimin e tij. Në pesë vitet e fundit, zyra e vjetër e Schumit është shndërruar në një dhomë spitalore super të pajisur. Asgjë nuk është lënë pa bërë për të shpejtuar shërimin e Schumacherit”, shkruan ndër të tjera Bild, ndërsa shton se kampionit i ofrohet për të dëgjuar zhurmat e makinës së tij të garave.
“Për pyetjen si është gjendja e Schumacherit ka një përgjigje të shkurtër. Kampioni i Ferrarit nuk është më në rrezik për jetën!”, raporton gazeta gjermane.
