“As unë dhe as familja nuk i kemi borxh askujt. Ne nuk i kemi bërë keq njeriu”. Ka qenë kjo dëshmia e shtetasit Myslym Karaj, biznesi i të cilit u sulmua me armë zjarri gjatë mesnatës. Ai ka deklaruar se nuk është në dijeni se kush mund të ketë qëlluar ndaj mobilierisë që ai administron. Ngjarja ndodhi në Nikël të Krujës, ndersa policia po punon per zbardhjen e ngjarjes.
“Më datë 15.04.2022, rreth orës 08:20, shtetasi M. K., ka njoftuar sallën operative se në fasadën e objektit (mobilierisë) në pronësi të tij, ka konstatuar disa shenja, që dyshohen se janë shkaktuar nga armë zjarri gjatë natës. Grupi hetimor ndodhet në vendngjarje dhe po punon për sqarimin e rrethanave”, thuhet ne njoftimin e policisë.
