Wuhani ka shënuar dje vetëm një rast të ri me koronavirus. Kjo është një “fitore” për këtë qytet, në të cilin shpërtheu koronavirusi në dhjetor të vitit 2019.
Wuhani arriti ta mposhtë virusin vdekjeprurës falë izolimit dhe masave të forta nga autoritetet. Më pas, Kina u izolua tërësisht për të bërë të mundur ndalimin e përhapjes së COVID-19.
Sipas azhornimeve nga Komisioni Kombëtar i Shëndetit (NHC), dje janë regjistruar 13 viktima nga COVID-19, përfshirë 12 në provincën e Hubei, ku Wuhan është kryeqyteti, dhe një në atë të Shaanxi.
Kina ka mbyllur spitalin e saj të fundit i cili u ngrit për të luftuar koronavirusin, pasi nuk ka raste të reja infeksioni. Vetëm një rast të tillë pati ish epiqendra e epidemisë, qyteti i Wuhan.
Nga ana tjetër, Italia është shteti më i prekur në Europë, ku numri i viktimave ka shkuar mbi 2 mijë. Organizata Botërore e Shëndetësisë e ka shpallur pandemi koronavirusin COVID-19.
Ekspertët thonë se Italia është goditur shumë nga epidemia e koronavirusit, sepse ata kanë popullsinë më të vjetër në Europë.
