Vëllai i presidentit të “Yldon Media Group”, nuk e ka fituar dot betejën me COVID-19. Vëllai i Ylli Ndroqit, Lulzim Pasmaçiu, ka ndërruar jetë mëngjesin e sotëm, pasi ishte i shtruar prej disa ditësh në spitalin COVID-2 “Shefqet Ndroqi”.
Një dedikim prekës ka ardhur nga Ylli Ndroqi, ku shprehet se tashmë ndodhet vetëm.
“Përse më braktise vëllai im i shtrenjtë. Unë isha i fortë sepse luftoja me vëllain tim. Isha gëzim sepse vëllai im nuk më la kurrë në errësirë.
Ishim unë dhe ti. Çfarë do bëhet me mua tani Luli im? Vëllai im, gjysma ime… Unë isha Ylli sepse kisha Lulin.
Përse vëllai im përse u ngjite lart kaq shpejt përse? Përse Zoti të mori, përse na le kështu në bosh. So do ia bëj vëllai im, si do ia bëj unë tani pa ty?…”, shkruan Ndroqi në mesazhin e ndjerë për të vëllain.
