Kohë më parë, shumë bujë bëri në media raporti i Saimir Çilit me bashkëshorten Suela. Ndarja e tyre u kthye në kryefjalë të ditës, por duket se ata e kanë lënë pas këtë situatë të acaruar. Prova e fundit se ata ‘janë ribashkuar’, lidhet me pjesëmarrjen e vajzës së tyre në “The Voice Kids”.
Vajza e këngëtarit të njohur Saimir Çili, Isea, ishte e ftuar bashkë me të ëmën në studion e “Ftesë në Pesë” me Bieta Sulon. Isea tregoi më shumë rreth pjesëmarrjes në “The Voice Kids”, dhe ndau emocionet e përzgjedhjes në fazën e audicioneve të fshehura. 10-vjeçarja është pjesë e skuadrës Gjoka, dhe është shumë e lumtur për këtë eksperiencë te re.
Në bisedë e sipër, Suela tregoi se është shumë krenare për të bijën, dhe theksoi se nuk do i mungojë për asnjë moment mbështetja e saj dhe e ish-bashkëshortit. “Për fëmijën, dy njerëz gjithmonë duhet të gjejnë gjuhën e përbashkët dhe ta shoqërojnë bashkë, sepse prindërit edhe mund të ndahen, por fëmija mbetet gjithmonë i përbashkët”, tha Suela.
Kur Bieta e pyeti nëse kjo situatë ishte ndopak e sikletshme, ajo ia ktheu duke qeshur: “E superojmë, shyqyr më bëri Zoti psikologe”.
