Reagimi antisportiv, duke shtyrë gjyqtarin anësor do ti kushtojë shumë ish-mesfushorit të Atletico Madridit në Turqi. Që nga momenti që Arda Turan iu bashkua Barcelonës karriera e tij ka pasur asnjëherë qetësi dhe më shumë ka qëndruar në pankinë apo nuk është grumbulluar fare. Pasi tek katalanasit nuk aktivizoheshe, ai humbi edhe vendin në kombëtare pas një debati me stafin teknik dhe drejtuesit e Federatës.
Nga janari Turan është pjesë e ekipit turk të Basaksehirit, kampionët në fuqi që kërkonin të mbronin titullin. Gjithsesi duket se edhe këtu nuk ka qetësi për të, pasi fundjavën e kaluar Turan u bë protagonist negativ, duke shtyrë arbitrin anësor gjatë një ndeshjeje të kampionatit turk.
Pikërisht për këtë arsye, Federata turke reagoi me ‘dorë të hekurt’ ndaj tij, duke e pezulluar për plot 16 ndeshje, ose thënë ndryshe një fazë e plotë. Nuk dihet ende se çfarë do të bëjë tashmë Turan, pasi nëse mbetet në kampionatin turk, do të duhet të rrijë jashtë aktiviteteve sportive deri në muajin Dhjetor, një shkëputje vërtetë e gjatë për një futbollist.
