Ndonëse është një ndër femrat më seksi, këngëtarja Zanfina Ismaili ka pasur probleme shëndetësore kur ka qenë e vogël. Fëmijëria e saj ka qenë e trishtë, për shkak të një sëmundje të rrallë.
Në moshën 10-vjeçare, mjekët e kishin të vështirë që të gjenin se nga çfarë sëmundje ishte prekur këngëtarja. Ajo ende vuan nga deformimi në pjesën e shtyllës kurrizore. Pas shumë vitesh, këngëtarja zbuloi të vërtetën e hidhur.
“Kur kam qënë e vogël, besoj 10-vjeç, kisha probleme me kockat në pjesën e kofshave. Mjekët nuk e dinin se çfarë është, në atë kohë nuk njihej aspak sëmundja e skoliozës. Shtylla ime kurrizore ishte e shtrembëruar.
Kam vizituar shumë mjekë. Mami nuk ka lënë mjek ortoped pa më dërguar. Kujtoj që dhimbjet ishin të tmerrshme, dhe u detyrova që të mos shkoja në shkollë për shumë muaj. Dhe e kam zbuluar se çfarë kisha shtatë ose tetë vite më parë! Edhe tani kam dhimbje, në pjesën e shpinës sidomos. Por mundohem që të mos marr mjekim, se nuk dua të jem e varur ndaj tyre”, u shpreh këngëtarja.
Skolioza njihet ndryshe si shtrembërim i boshtit të kurrizit. Pacientët e prekur prej saj, vuajnë nga një sërë patologjish që vijnë si zinxhir për shkak të deformimit shumë të thyer fizik.
