Shtyhet për herë të gjashtë seanca ndaj Emiljano Shullazit dhe 4 të pandehurve të tjerë.
Gjykata e Apelit për Krime të Rënda u detyrua të shtyjë sërish seancën, pasi avokati i Shullazit, Vladimir Meçe, njoftoi mungesën e tij për shkaqe shëndetësore, duke paraqitur një raport.
Edhe avokati i caktuar nga gjykata për Gilmando Danin, njoftoi se nuk mund të ishte mbrojtës i tij, pasi në Shkallë të Parë ka mbrojtur Ylvi Beqjen.
Për rrjedhojë, gjykata shtyu seancën dhe bëri zëvendësimin e avokatit kryesisht.
